काठमाण्डौं। धनगढी उपमहानगरपालिकाले बिहीबार सार्वजनिक बिदा दिएको छ। 

धनगढी–१६ रामपुरको बेहडाबाबा मन्दिरमा जेठ शुक्ल पक्ष दशमी तिथिका दिन हरेक साल गंगा दशहरा मेला लाग्ने गर्छ। त्यो मेलामा नेपालका साथै भारतका पनि हजारौं मानिस आउने गर्छन्। गंगा दशहरा मेला स्थानीय समुदायले विशेष आस्था र महत्वका साथ पर्वका रूपमा मनाउने गर्छन्। 

नगरका प्रमुख प्रशासकीय अधिकृत नरेन्द्रबहादुर खातीले जारी गरेको वक्तव्यमा बेहडाबाबा क्षेत्रलाई प्रमुख धार्मिक पर्यटकीय क्षेत्रको रूपमा विकास गर्दै लैजाने उद्देश्य राखिएको हुँदा बिहीबार सार्वजनिक बिदा दिइएको उल्लेख गरेका छन्।